SELAMAT GAWAI DAYAK 2009

Enggau tu ku meri Selamat Gawai ngagai semua bansa Dayak. Gayu guru gerai nyamai. O...ha. Tuhan merekat semua...

Pesan Tuhan Maya Gawai Tu Ngagai Kitai Semua

Ko Tuhan ba Epesus 5:18;

" Anang meh kita mabuk ketegal anggur, laban anggur mansutka pengingin ati ti jai, tang kita mesti penuh enggau Roh"

Ingat ayat tu ba 1 Korint 6:9;

"Nama nuan enda nemu, urang ke enda asi (enggau pangan diri) nang enda bulih bagian dalam perintah serga? Anang tesat! Urang ke.......penchuri ,pemabuk, petenah.... sigi enda bulih bagian dalam Perintah Serga."

Shalom semua menyadi dalam Kristus.Pesan Tuhan jelas ngagai kitai Gawai tu. Anang sampai mabuk tegal tuak, arak laban utai bakanya ngasuh mensia pandak runding. Nya alai kitai suah ninga berita maya Gawai urang bebukut, bebunuh ketegal bala sida tuak enggau arak. Intu memanah ke iman kita. Jadi meh teladan ngagai urang bukai. Ukai bepekit sapa dulu palau. Nya aja. Aku minta ampun enti jaku ku tu kasar mimit. Semua tu nadai pulai ke pengerugi ngagai kitai. Aku besampi Tuhan begulai belama enggau kita alu ngelindung kita ari kuasa pematang Gawai tu. Dalam nama Tuhan Jesus Kristus. Amin.....

Ba'aya/Danger ngena manang!

Dalam Pemandang 21:8 madah;

"Tang sida ti penakut, ti aum juak, ti jai, ti pemunuh, ti bambai, ti ngaga kereja engkeramat, ti nyembah engkeramba, enggau semua ti bula-endur alai sida nya danau ti angus laban api merirang, iyanya pemati ti kedua."



Macha Pemandang nang semampai ngasuh ku geli laban naka pemalat ukum ti diengkah ke Iya ngagai urang ti bedusa. Tu mega meh nyadi ngagai urang ti suah bekena ke manang laban sida iya tu aum juak/ati dua. Ditunu ba dalam api ti 7 kali angat ari api ba dunya tu. Aku berasai sinu laban agi mayuh urang (sekeda iya urang Kristian empu) ke agi ka ngena manang tu. Nadai penguntung ngena manang tu. Enti kitai ke udah bisi Tuhan tu. Kapa begiga ke manang agi? Semua "package" bi ba Iya magang. Nadai guna begiga ke manang agi. Munyi ko Raja David dalam Masmur 23:1 " Tuhan ti pengibun aku; Aku bisi semua utai ti dipegunaka aku." Enti Tuhan bisi enggau kitai, kitai enda sekali-kali kurang utai ti dikena. Enti kitai minta ba manang, minta tulung antu; anang ka meri, pemisi kitai abis dichuri "utai nya". Abis duit kena meli telu, bebunuhka babi, manuk abis disayat. Nyau kitai ke majak seranta. Kenyang bala antu, bala manang. Kitai nyu belauk ka budu. Nama asil? Tang enti kitai minta ba Tuhan, nama utai ti dipinta iya deka diberi iya magang. Alu bisi ga urang nanya, "Nama kebuah aku suah mat minta tang Iya nda kala meri?" Munyi ko Jesus, "Kini ke pengarap kita?". Kitai nama udah minta utai siti ari Tuhan anang kakang ati. Anang alu nanya dalam ati, " Kada ke ninga Tuhan peminta ku tadi?" Kini ke iman kita!!?. enti nuan lebuh dinterbiu ka ngulih ka pengawa, chuntoya nyadi chigu. Enti nuan nadai kunpidin/confidence dalam diri, ka urang milih nuan? Amat meh nuan ka amat nyadi chigu, tang maya urang ngasuh nuan ngaga tu ngaga nya alu meh nuan kakang ati. Ka urang milih nuan? No way ko ribai. Bakanya meh Tuhan, enti nuan nadai determination/ pengeliat ati ka minta, nadai jaku nya! Nyu jauh tepejuh ari tupik tu tang tu ukai nama ngambika kitai mina bepanggai ba Iya aja dalam serap pengawa kitai. Munyi ko aku tadi tu, bekenaka manang tu nadai meri pemanah ngagai pengidup kitai. Nama utai ulih diberi sida iya?Tang bisi ga urang nanya lagi, " Kati ke aku tu berubat ba manang tau gerai? Ha! Tanya ti manah. Amat bisi ga sekeda manang ti amat bisa, bepengaruh. Ulih ngubat urang, ngeraika urang. Tang siti kita mesti ingat. Sitan pan ulih ngaga pengajih. Dalam 2 Korint 11:14 " Patut nya baka nya! Sitan pan ulih ngaga diri bala melikat penampak!" Semua utai nya bisi rega magang. Ba Sitan enti ka minta utai mesti bisi utai kena nganti. Enti ba adat kitai bala sida manuk babi nya meh nyadi "mangsa". Nyadi genselan. sekali nuan dah bekenaka manang, nya baka nuan udah ngaga sempekat nggau Sitan nya! Alu bisi tali nanchang nuan. Nuan kena sumpah! Setat ari nya meh nuan alu nyadi ulun Sitan. Baka chapi ke dituchuk ba idung. Alu nadai sitipan ulih ngelepas nuan ari tanchang nya. Tang sukur amat amat ngagai Apai laban Iya udah ngutus Anak Iya empu, Jesus Kristus ke dunia, mati ke kitai alu nganchurka kuasa pemetang enggau tanchang Sitan. enti ukai ketegal Iya mega aku engka nda idup datai ke diatu.

Aku bisi siti testimuni bakani Tuhan ngelindung aku lebuh ku nda sengaja ngachau pengawa "manang" tu. Aku nemu cherita tu engka nda masuk akal sekeda tang nya meh testimuni aku laban aku empu ke ngasai iya. Cherita tu bakatu. Utai tu nyadi taun nyin kemari, urung tengan taun 2008. Maya nya aku bisi enggau urang Public Speaking Competition. Chigu ke ngelatih ku iyanya Chigu Audrena.Maya nya mega aku enggau urang Sketsa Kerjaya baruh Chigu Ja'arah. Malam nya ba sekula aku dah janji belatih nggau Chigu ba bilik guru. Sebedau nya aku belatih Sketsa ba dewan makan. Malam nya seraya ke nganti Chigu Audrena datai, aku belatih sketsa dulu. Udah nya baru ku katas ngagai bilik guru. Lebuh dalam pejalai ngagai bilik guru dia aku tepedaka "bubul mirah" (fireball) siti ke baka tai bintang ba atas langit. Mirah terang alu bisi iku baka iku komet utai nya. Rara ku. Ko aku " "Tuhan, nama utai nya?" Sekali tak alu padam meh api mirah nya alu baka ke pechah. Aku alit ati meda nya tang mayanya aku enda entu kisuk ndar nggau utai nya. Terus meh aku bejalai agai bilik guru, belatih. Tang malam nya aku tinduk....... Udah jenak-jenak tinduk, sekali, tiba-tiba mata ku enchelak alu meda aki tuai siku ba mua ku dia. Gamal iya ringat amat meda aku. Alu angkat iya jari iya ka nyekak aku. Nyu ka datai ba rekung ku, puji Tuhan aku alu enchelak amat. Nyelai.... Aku enchelak 2 kali. Bakani utai tu tau nyadi, aku pan nda nemu. Ndai gi aki tuai nya ba tisi ku dia. Aku nama agi alu bebungkur alu terus besampi. Puji Tuhan, Nadai utai ngachau ku nyentukka pagi. Ari siti aku berandau enggau kaban ku, dia sida madah ke utai peda ku nya malam nya "pulung". Utai ke dianjung manang kena bejai ke urang bukai. Laban aku ngerara nya tadi, asaiku ringat meh "manang" tu tadi alu ka datai nyekak aku.Ba dia mega aku sedar mensia bisi "mata rohani". Mata ti ulih meda utai ke nda ulih dipeda mata kasar kitai tu. Tu meh realiti pengidup . Bisi aja urang nggai meda pangan diri. Kati uji ku nda ngelala Tuhan mayanya nang dah "gul" aku mayanya. Nya meh besukur ndar ngaga Tuhan laban udah nulung aku. aku ngarapka kita semua ke agi bekenaka manang. Anang agi! Nadai penguntung kitai ngena manang. Tuhan ti patut digiga kitai. Tu meh naka iya dulu. Tuhan merekatka semua. Mupuk aku...

Testimuni Lawrence Atun: Pergumulan Yang Punyai Jawabanya

Shalom saudara-saudari dalam Kasih Tuhan,
Salam kita bertemu sekali lagi. Semoga kita semua sehat disamping penuh dengan berkat Tuhan. Amen!!! Pada kali ini, saya ingin berkongsi pula mengenai dengan Pengumulan yang punyai Jawabannya. Saya pasti semua kita tahu apakah itu pengumulan kan? Bagi saya, pengumulan itu adalah sesuatu masalah yang menimpa hidup peribadi seseorang. Pasti kita semua pernah mengalami suatu pengumulan dalam hidup kan? Maybe ada yang tak pernah mengalami pengumulan, Puji Tuhan. Tapi yang pastinya kita manusia ini tak sempurna dan tidak pernah terlepas dalam menghadapi masalah.
Saya ingin 'share' sikit topik ini mengenai peribadi saya. Saya juga pernah mengalami pengumulan yang amat-amat mengugat kesabaran dan juga iman saya. Perkara ini telah terjadi pada awal tahun 2006 dan membuat saya ingin menjadikan hidup saya jatuh dalam dosa.
Pada ketika itu, saya telah dituduh dalam sesuatu perkara dalam hal peribadi seseorang itu. Dan mengatakan saya merosakkan hubungan seseorang itu. Perkara itu pun telah tersebar kepada semua teman-teman seperjuangan dalam pelayanan. Ini membuat saya rasa malu dan kesal apa yang telah terjadi dan membuat hati saya hancur sama sekali waktu itu.
Banyak perkara yang saya fikirkan untuk menghadapi situasi tersebut. Saya mulai berfikir untuk lepaskan semua jawatan dalam mudamudi dan juga apapun jawatan yang saya pegang dalam pelayanan ketika itu. Saya pun memberitahu seorang Hamba Tuhan mengenai perkara ini dan dia pun mulai berbicara sama saya. Selepas Hamba Tuhan itu berbincang dan menasihat saya apa yang saya alami. Saya tertarik dengan sesuatu perkara yang disebut dia iaitu "kita melakukan sesuatu perkara dalam pelayanan adalah untuk Tuhan yang kita sembah dan bukannya untuk manusia". Saat itu saya mulai tergerak hati dan hati saya mulai bersinar kembali untuk terus berjuang dalam pelayanan. Tidak dapat dibayangkan sama sekali hati yang yang sungguh sukacita apabila Hamba Tuhan itu berbicara sama saya dengan perkara itu.
Selepas itu, saya pun mulai aktif kembali untuk melayani dalam mudamudi dan juga waktu tu ada satu pelayanan iaitu 'Ester day'. Saya pun memimpin pujian penyembahan ketika itu dan bersukacita dalam apapun perkara. Dan saya dapat memaafkan orang itu dengan hati yang gembira. Saya teringat akan satu Firman Tuhan dan berkata "Datanglah kepadaku yang letih lesu dan berbeban berat, AKU akan melegakan kamu" (Matius 11:28). Itu adalah janji Tuhan kepada kita semua. Saya pun menyerahkan segalanya kepada Tuhan dan Tuhan buka jalan bagi saya untuk menghadapi semua pengumulan saya. Puji Tuhan!!!
Saya pasti anda semua pun pernah mengalami saat yang suka dan duka anda. Saya ingin menasihati kita semua bahwa 'Tuhanlah Jalan, Hidup dan Kebenaran'. Jangan pula kita berpaling ke belakang mahupun berputus asa karna kita punyai Tuhan yang berkuasa. Serahkan segala pengumulanmu kepada Tuhan karna saya pasti Tuhan akan buka jalan bagi anda semua seperti mana Tuhan telah buka jalan kepada saya.
Saya yang mengalaminya,
Atunz

(Tu testimuni meyadi kitai Lawrence Atun ari Miri .(Kita ulih ngecheck kediri blog iya ba http://atunz86.blogspot.com/.) Iya siku ari beribu-ribu urang ti udah ngasaika pengasih Tuhan nya dalam pengirup. Aku meransang kita ke macha tu "Giga meh gamal Tuhan alu Iya deka ditemu kita". Panggaika semua penusah nuan ngagai Tuhan alu iya deka ngintu alu nyaga nuan." 1 Peter 5:7. Hallelya semina ngagai Iya ti pemadu tinggi.Amin..)

Kem Muda Mudi(Youth Camp) ba SIB Grace, Sibu

Lebuh 15 Mac 2009 ngagai 18 Mac 2009 arinya, SIB Grace Sibu bisi ngaga siti kem kena muda-mudi tauka Youth Camp. Lebuh mayanya bisi lebih kurang 60 iku youth sebelah Sibu datai. Bisi ke datai ari Sibujaya, Kemuyang lalu bisi mega ari Kanowit. Tajapan bisi sekeda kami datai ari denominasi gerija ti bebida tang kami sama menyadi dalam Kristus. Tema kem tu iyanya diambi ari 2 Peter 3:18 " Growing in the grace and the knowledge of Jesus Christ". Pastor iya iyanya ari Kuching iyanya Pastor Graman. Nyadi siti agi ayat patut diapal kami mayanya diambi ari John 14:6 "Aku meh jalai kena ngelala idup, nadai siku ulih datai ngagai Apai enti enda ulih Aku". Maya kem nya kami dibagi ngagai 10 kempulan. Aku ba kempulan 2. Kebuah pia laban kami bisi pekit antara kempulan alu pemenang deka diberi perais ba ari kepenudi.

Ajar Pastor Graman

Ati aku tetegu bendar lebuh Pastor Graman mai jaku Tuhan ke bekaul enggau penemu. Iya ngambi ari Masmur 119:133 "Ajar nuan meri penampak; meri penemu ngagai urang ke nda nemu utai". Ba dia ku nemu semina urang ke bepenemu aja ulih mujur. Alu Jaku Tuhan nya meri penemu. Ko iya " Enti kitai meda kitai bakanya, bakanya meh kitai. Enti kitai meda kitai nya nyadi Lutur, Lutur meh kitai ila. Enti kitai meda kitai nya nyadi Penchuri, Penchuri meh kitai ila." Reti iya dia nadai siku ulih nagang kitai ka nyadi nama utai dikedekaka kitai. Ari nya aku nemu Jaku Tuhan tu penting ba dalam pengidup kitai. Iya mega madahka pengawa sitan ba dunya tu semina ngerusak, munuh enggau enchuri tang Tuhan Jesus datai mai pengidup ti meruan.

Revival Night

Tu meh antara achara ti pemadu dikerinduka aku. Sapa ke ka nerima Tuhan Jesus Kristus nyadika Penglepas sida ngangkat jari. Lebuh Pastor Graman madah ke nya, nyu ka semua kami ngangkat jari. Udah nya Pstr Graman mai bala ketuai besampi ke kami. Lebuh maya nya urapan tauka anointing Roh Kudus labuh ngagai bala kami dia. Bisi sekeda nyabak, sekeda luput laban kuasa Roh Kudus. Mayuh sida ke dia meri kesaksian tauka testimuni madahka nda kala ngasai ke utai bakanya. Bisi siku madah ke iya nadai berasai iya alu luput alu iya berasai mua iya angat. Sedeka madahka diri alu nyabak enda nemu kebuah. Ba aku, Nya meh kuasa Tuhan Kitai. Iya ti sayau ka kitai. Aku besyukur laban pemanah Iya, aku agi begulai nggau Iya. Aku gerenti idup sida enda ka sebaka agi udah kem tu. Mayuh bala sida iya ditanya aku madahka diatu sida bisi pengerindu ka ngelala Iya agi. Puji Tuhan! Tu meh setat revival nyadi ba Sibu. Negu youth din. Aku pechaya enggau sepenuh atiku revival deka ngelawa bansa kitai. Tu meh maya iya....

Terima Kasih

Enggau tu mega aku ka meri terima kasih ke sukung kita. Bala gerija ari JB ti udah ngenjukka duit kena kem tu tadi. Enti ukai tegal pengenjuk sida kem tu enda tentu ulih digaga laban iya makai ungkus ti besai. Ngagai Pastor Magarate ti udah nganjurka kem tu. Pastor Geraman ti udah nyedarka kami pasal penemu. Bala Youth SIB Grace. Bala indai-indai ti udah lelak nyendiaka pemakai kami. Semina Tuhan ulih malas pemanah kita. Aku besampi ngambika gerija ktai majak ngerembai alu mai mayuh gi bansa kitai ngagai pengasih Tuhan...Amin

Gambar

"Ditu meh endur kami puji sembah"

"Pintu penama agai SIB Grace"

"Jalai ke dapur"

"Bilik Sunday School. Endur kami makai/tinduk."

"Dapur"

Nya meh sekeda gambar ke ulih ditangkapku. Minta ampun enti gambar enda terang laban aku ngena kamera telipun. Tambah agi ku ngambar maya malam. Tang amat meh kem tu nang ngubah pengidup kami. Diatu aku berasai semak agi nggau Iya. Ukai Iya ke ninggal ka aku, tang aku ke ninggalka Iya. Diatu ku nemu Tuhan nya amat amat kaih ka kitai. Aku besampi ngagai genap iku kita ti macha tu pan mega deka ngelala iya nggau lebih agi. Amin....

Testimuni Roland G.: Aku Ninga Nyawa Tuhan Ngasuh Betubat

(Tu siku ari kaban ku ari SMK Meradong, Roland Guang. Diatu iya ba pum 5.Baka aku mega iya suba endang urang Kristian tang ba nama aja, Tu testimuni Guang alu bakani iya tau ngelala Tuhan Jesus sechara peribadi. Ngarapka testimuni tu tau nambahka iman kitai alu majak semak sesemak enggau pengasih Iya.Halleluya!!!)

Mimit Pasal Aku

Nama aku Guang, Roland Guang. Aku diau ba Rumah Agas Lubuk Lelabi, Pakan. Kami semadi bisi 4 iku. Aku anak ke-3 ari kami semadi. Aku setat besekula ba SMK Meradong taun 2005. Ba SMK Meradong aku diau ba buding. Ba SMK Meradong, ninting ari sigi bisi sembiang kelab ISCF. Endurya ba lab sekula. Setat ku pum 1 aku kala dibai kami serumah, namaya Shella besembiang lemai ba sekula. Terubah ndar ku tama ISCF, nadai nama nama asaiku, nemu meh kita, agi tau dikumbai anak mit. Nya kebuah enda lama udah nya alu enda datai agi ku. Ka agi ku main nggau bala kaban lipak-lipak ba sebelah sekula sebedauka tama kelas pukul 7 lemai. Bakanya meh pengidupku. Tama ku pum 2 alu setat mantaika 'taring' ba sekula. Pum 3 balat agi deh..

Ngelanggar Atur Sekula

Bisi sekali aku kala digantung sekula laban 'escaped' belajar lemai. Seminggu aku nda sekula laban gantung.Tambah mega ba kelas maya chigu ngajar, suah ndar ngemelika chigu. Apai indai laban. Enggau bala menyadi anang gi deh. Enti kita meda penatai ku ngagai kelap ISCF. Datai nda datai nda aku. Pum tiga mina ujung taun aja aku datai. Nya pan laban bai urang. Enda 'ikhlas' datai. Tang mimit pan aku nda nemu setat tama pum 4, Tuhan udah bisi nyendiaka langkar ti chukup manah dalam pengidupku. Amat munyi ko Jaku Tuhan ba 2 Koint 6:2 Diatu meh maya aku ningaka nuan, Diatu meh maya nuan deka diselamatka!! Nda disedar aku taun nya meh (2008) taun maya aku deka diadaka baru ke dalam perintah Serga.

Chigu Moris

Maya nya Tuhan udah nganjung siku nembiak Iya iyanya Chigu Morris ngagai sekula kami. Iya ex nembiak SMK Meradong nang sigi AJK ISCF ditu suba iya. Diatu iya nydi chigu ba dia.Aku setat bekelala enggau iya alu nyadi rapit tauka rapat serapat nggau iya. Kala kami dikumbai urang anak enggau apai laban ke kelalu rapat.Laban iya nyadi siku ari Chigu pengulu ba ISCF, aku nang suah diansak iya datai belama ninting lemai. Ka pan enda, datai ga... Nda aku nemu maya nya langkar tauka 'plan' Tuhan ke aku baru setat. Ninting taun ISCF bisi nganjurka Kem antara sekula. Taun nya (2008) kem nya digaga ba Gerija SIB Charis Sarikai maya bulan 8. Kem tu sepemanjai 4 ari aja. Chigu Moris majak ngansak aku ngasuh ku enggau. Ujung ujung aku pan enggau.Mimit nda pan aku ngadang maya kem nya meh pengidup ku enda ka sama agi ..

Kem ISCF

Ari keterubah aku nggau kem nadai nama-nama, maya puji sembah ketawa ke urang nyabak. Maya nya bisi diayanka urang cherita "Passion Of Christ". Mayuh urang nyabak tang aku ba belakang dia majak ketawaka urang. Sekali, maya puji sembah sekali gi, tak nda nemu nama kebuah tak bekerenjui ai mata. Tak nyabak kediri aku ba belakang. Tanya kaban ku nama kebuah nyabak, aku pan nda nemu, tak tiba-tiba aku nyabak. Nya terubah iya aku ngasaika ketata tauka urapan tauka 'anointing' Roh Kudus. Tang nya baru keterubahya. Bisi agi besai agi ka diturunka Tuhan ngagai aku.

Bulih Genera (Vision)

Udah ke utai nyadi kemari, ari kedua, aku pan setat ngambi serius nggau kem tu. Saritu kami bepasa (fasting). Tengah ari nya kami bisi ngaga puji sembah baru. Maya kami puji sembah tengahari nya aku berasai lemi selemi tulang. Aku pan enda nemu kebuah. Majak lemi selemi alu ngujungka aku luput maya nya. Maya ku luput nya meh aku bulih genera. Ba generaku nya aku meda diri bejalai surut, ba mua aku bisi siti penampak baka api kelita ti jauh. Aku meda aku bejalai majak jauh sejauh ari penampak nya. Udah nya aku bisi ninga nyawa urang ngasuh aku betubat(repent). Aku enda nemu sapa empu nyawa nya tang ku nemu nya ari Tuhan. Udah ku dani nya aku madah agai bala kaban ku pasal utai peda ku nya. Malamnya kami bisi altar call, nya meh maya sapa urang ke ka betubat ka ngaku dusa tau mansang ke mua agai altar. Alu ba dia bisi Pastor alu besampi ka kami. Mayanya meh aku alu mansang ke mua. Nda berasai ai mata labuh maya aku bejalai ke mua. Mayanya aku amat nesal amat ke dusa ku ngelamatu. Ngelaya urang, ngelaban chigu, ngelaban apai indai... Semua nya aku besampi ngambika Tuhan ngampunka aku. Benung ku disampika urang, sekali gi aku luput baru. Aku begenera baru. Tang diatu aku meda diri ukai bejalai surut tang mang ke mua dalam terang penampak. Aku berasai gaga laban Tuhan udah ngampunka aku. Alu Iya amat sayauka aku. Sekumbang aku ke pulai ari kem nya, idupku enda sebaka agi. Idupku berubah sekijap mata. Aku meh mensia baru, ke lama udah ngelebus ke baru udah datai. Nya alai menyadi dalam Kristus enti kita ka ngelala enggau dalam agi giga meh Iya laban bup Kudus bisi madah dalam Matthew 7:7 "Pinta lalu kita deka diberi; Giga aku kita deka tetemu; Tekung alu pintu deka dibuka ke kitai" Tuhan merekatka semua......

(Diatu Guang nyadi AJK ISCF taun 2009. Ari nda ngelala Tuhan ngagai ngelala Tuhan, Ari pemetang ngagai Penampak. Ari penyai ngagai Pemanah. Ari Pemati ngagai Pengidup ti Meruan. Kita deh? Puji ke nama Tuhan Jesus Kristus belama lama. Amin...)

Testimuni aku: Bakani aku tau ngelala Tuhan Jesus sechara peribadi.

Aku baka anak urang bukai. Aku nang ada nyadi kristian. Manchal maya agi mit. Agi ingat ku suba maya aku bejelangkit ba pun kayu ba semak mua rumah kami. Laban kelalu manchal, sekali benung ku bejelangkit tak labuh aku ari pun kayu nya. Beberapa sikin aku nang enda ulih bejaku. Semadi pandam madiku baru ku ulih bejjaku baru.. Hehehe... anak mit. Nang manchal. Dah nya aku tama sekula primari satu nyentukka primari 6. Dah nya pum 1 ngagai pum 3 ba SMK Pakan. Amat ku majak besai sebesai, tuai setuai tang pengarapku tak bakanya nya aja, nadai berubah. Ko urang "Kristian ba nama aja". Bisi sekeda madah " Kristian Kristmas laban mina datai ke gerija maya ari Kristmas aja" Terus terang ku madah aku mayanya enda nemu bakani ka besampi. Datai ke gerija nya pan maya kristmas aja bisi. Tang ukurmeh ngagai Tuhan, Father kami mayanya nang siku urang nda nemu leju. Lban ba Pakan nadai Gerja Anglican, iya meh selalu nurun nikal ari Bintangor kitu ngaga mass sembiang ba rumah kami. Tang taja pia, aku nang nadai minat lalu ba senentang pengarap tu. Kala ku belaya enggau sida apaiku ketegal aku nggai nurun belajar Betetap ba liberari dia. Danu sidaya aku. Aku alu ngetanka diri madah diri suah amat dah nggau belajar betetap alu nda ga abis abis.. Tang mimit nadai ku nyangka, Tuhan nya bisi langkar (plan) ke aku. Dah nya aku tama pum tiga, Maya ku ba pum 3 sida apaiku ngasuh ku belajar bebendarka ngambika aku ulih nitihka peneka atiku nyadi Saintis dah besai ila. Maya result ku nya suba pansut apaiku meri aku dua kepilih tauka opsyen sekalika aku ka terus nampung pelajar ba SMK Pakan( maya nya nadai Science Stream) tauka ke SMK Meradong. Aku milih Meradong tegal juluk ati ku ka nyadi Saintis. Datai din aku diau ba buding. Terubah ndar din, kediri, nadai uang nggau laban aku ari tadika nang berundang laban rumah semak, datai ba Meradong , alu nyadi nembiak buding. Amat tusah ka ngidupka diri tang Tuhan nya amat mnah, Iya nganjung siku urang nulung aku nyesuaika diri dia. Namaiya Idek. Tuhan ngena Idek mai aku ngagai Iya. Ba Meradong, ninting lemai bisi sembiang setat pukul 6.30 lmai ngagai 7.00 lemai. Sembiang tu ba baruh ISCF tauka InterSchool Christian Fellowship tauka gerempung nembiak-nembiak antara sekula. Semua bisi dia, SIB,Methodis, Anglican, RC, Baptize Ari ku datai nya Idek ka mai ku kia. Maya nya bedau, pagila keduaiya pan tama kia. Ketungkah kaki aku ngindik endur nya, aku bersai nyelai. Datai dia aku memerenig urang dia. Mayanya urang benung belagu. Nada nemu nama kebuah tang asaika nitik ai mataku ninga sida belagu tajapan nya ukai lagu sinu (Tajukya Begitu Indah). Setat ari nya ketungkah aku ngelala Iya. Tang cherita tu empa ngetu nangka tu. Aku nerima baptisa Roh Kudus (Baptisa Roh Kudus tu ukai baptisa ai nya) kena 1 April 2005. Setat arinya aku amat ka ngelala Iya. Maya nya amat nda kala diasaika aku ngelama tu. Asaika idup nuan berubah selai ketik jari aja. Aku alu ngelala Tuhan nya semak enggau aku. Baru ku nemu Iya bisi mayuh langkar ti meruan dalam pengidup ku. Nggau ke pemadu penting, Aku udah nemu tuju pengidupku ngelama tu. Setet ari nya pengidup ku berubah. Iya seruran meri utai ke dipinta ku. Kena nulung ku besampi kering agi, Iya meri aku siti ari Pemeri Roh Kudus iyanya besampi dalam Jaku Dilah tauka Jaku Roh (Ka nemu mayuh agi pasal Jaku Roh peda Korint 12). Setat ai nya Idup ku nda kala sebaka agi.........

Enti kita bisi kala ngasaika asai baka engku tau anjung testimuni tauka kesaksian kita ngagai email aku ba azvenze_89@yahoo.com . Aku deka mansutka iya ba ditu. Awakka nama Jesus dimuliaka belama... Amin......

SHALLOM SEMUA MENYADI DALAM KRISTUS!

Kemaya ari tu majak mayuh urang jauh sejauh ari Tuhan. Tajapan iya udah meri nyawaya empu ke kitai tang kitai mensia tu jarang amat ingatke pemedis iya ti udah mati ke kitai. Nya mai aku ngaga blog tu. Semua iya kena ke mulia Iya ti pemadu tinggi belama-lama iya. Sama meh kitai nganti penataiya kedua kali. Alu ingat meh Iya meruan sayau ke kitai belama.

Laban Allah Taala udah balat rinduka dunya nya kebuah Iya meri Anak tunggal Iya, awakka genap iku urang ti arap ke Iya enda mati, tang tau bulih pengidup ti meruan. [JOHN 3:16]

Aku besampi ke genap iku kita ke meda blog tauka mansa blog tu tau ngelala Iya luie agi nggau diberekatka dalam pengidup kita.Amin.