Terima Kasih Apai

Terima kasih Apai,
Laban Nuan dah ngintu sepemanjai,
Kami idup ba taun 2009,
Taja kami ba sebarang alai,
Nuan enggau kami semampai,

Amat mayuh utai nuntung kami,
Tang jari Nuan ti ngeringka kami,
Nyentukka diatu kuasa Nuan bisi,
Alu seruran bekereja ba pengidup kami

Enggau nama ulih kami malas pengasih Nuan?
Semina puji enggau sembah ari ati ti pemadu dalam,
Diberi kami ke Nuan,
Nyadi tanda ke pemanah Nuan,
Dalam pengidup kami.

Ai ti idup,
Terusmeh bekereja dalam pengidup kami,
Iri alu balut kami dalam kerembai sayap,
Ti ngibun kami sepemanjai taun 2010 tu,
Kami pechaya jaku Nuan terus idup,
alu begulai belama-lama ya dalam ati kami,
Laban Nuan meh Tuhan ti meruan,
Nyadi ti terubah dalam pengidup,
Diatu nyemtukka belama-lamaya,
Amin.....

SELAMAT GAWAI DAYAK 2009

Enggau tu ku meri Selamat Gawai ngagai semua bansa Dayak. Gayu guru gerai nyamai. O...ha. Tuhan merekat semua...

Pesan Tuhan Maya Gawai Tu Ngagai Kitai Semua

Ko Tuhan ba Epesus 5:18;

" Anang meh kita mabuk ketegal anggur, laban anggur mansutka pengingin ati ti jai, tang kita mesti penuh enggau Roh"

Ingat ayat tu ba 1 Korint 6:9;

"Nama nuan enda nemu, urang ke enda asi (enggau pangan diri) nang enda bulih bagian dalam perintah serga? Anang tesat! Urang ke.......penchuri ,pemabuk, petenah.... sigi enda bulih bagian dalam Perintah Serga."

Shalom semua menyadi dalam Kristus.Pesan Tuhan jelas ngagai kitai Gawai tu. Anang sampai mabuk tegal tuak, arak laban utai bakanya ngasuh mensia pandak runding. Nya alai kitai suah ninga berita maya Gawai urang bebukut, bebunuh ketegal bala sida tuak enggau arak. Intu memanah ke iman kita. Jadi meh teladan ngagai urang bukai. Ukai bepekit sapa dulu palau. Nya aja. Aku minta ampun enti jaku ku tu kasar mimit. Semua tu nadai pulai ke pengerugi ngagai kitai. Aku besampi Tuhan begulai belama enggau kita alu ngelindung kita ari kuasa pematang Gawai tu. Dalam nama Tuhan Jesus Kristus. Amin.....